Оливье Ассаястың "Кремль сиқыршысы" фильмінде британ актері Джуд Лоу Владимир Путинді сомдайды. Француз режиссерінің Джулиано да Эмполи романын фильмге айналдыратынын мамыр ортасында Variety журналы жазған.
Фильм Владимир Путиннің саясатқа келу жолын саяси технолог көзқарасы тұрғысынан баяндайды. Ассаяс болашақ фильмін өзі түсірген террорист Илич Рамирес Санчес туралы «Карлос» мини сериалы және АҚШ-тағы кубалық тыңшылық желісі туралы «Майами ісі» фильмімен салыстырады.
Джуд Лоу Deadline журналына рөлмен жұмыс істеуді әлі бастамағанын айтқан.
"Қазір құдды Эверест бөктерінде тұрып, "құдайым, не үшін келістім екен?" деп жоғарыға қарап тұрғандаймын" деді ол.
Фильмде сонымен бірге Алисия Викандер, Пол Дано, Зак Галифианакис және Том Старридж ойнайды. Түсірілім қаңтарда басталуы керек.
Джулиано да Эмполидің романы Францияда әдебиет саласындағы ең ірі Гонкуров сыйлығына ие болған. Қыркүйекте "Кремль сиқыршысы" қойылымы Парижде болған. Қойылым режиссері – Ролан Озе.